18 / 98
17
1. tunti
1.
Šano opaštajan kera.
Tykätäh, matkuššella, eletäh, ottau päivänpaistuo, käymmä, tietäy,
kašvetah, noušemma makuamašta, otamma, mänemmä, istuuvvumma,
šouvamma, puuttuu kala, pyyvvämmä, kertou.
2.
Kirjuta tuntemattomat verbit šanavihkoh.
Elyä
matkuššella
pyytyä
istuutuo
männä
šoutua
kašvua
noušša
tietyä
kertuo
ottua päivänpaistuo
tykätä
käyvä
puuttuo
3.
Kuuntele teksti, nimitä še.
Monet ihmiset tykätäh matkuššella. Konša heilä on loma, hyö
matkuššellah ulkomailla tai kotimuašša.
Joka kešä mie olen kyläššä. Šielä eletäh ukkoni ta ämmöni. Kylä on
kaunehella paikalla järven rannalla. Ranta on čuuruni, šielä on aina hyvä
ottua päivänpaistuo. Järven takuana on meččä. Huomenekšella myö ämmön
kera otamma vakat ta käymmä marjašša ta šieneššä. Ämmöni mečäššä on
kuin koissa. Hiän tietäy, missä mimmoni lintu eläy ta missä šienet kašvetah.
Miun ukko on hyvä kalaštaja. Ušeičči myö noušemma makuamašta
aivoin, otamma airot ta mänemmä joven rannalla. Myö istuuvvumma
veneheh ta šouvamma šuarella. Šielä hyvin puuttuu kala. Pyyvvämmä
ahventa, haukie ta šärkie. Kun myö šouvamma venehellä, ukkoni aina
kertou miula starinoja.
4.
Jata virkkehet. Kačo teksti.
Monet ihmiset tykätäh ... . Hyö matkuššellah ... tai ... . Kyläššä eletäh ...
ta ... . Kylä on ... . Ranta on ... . Järven takuana on ... . Huomenekšella
ämmön kera myö otamma vakat ta käymmä ... . Miun ukko on hyvä ... . Myö
pyyvvämmä ... . Veneheššä ukkoni aina kertou ... .