16 / 98
15
1.
Kiännä verbit
.
Kaimata — kaimasi, myöštyö — myöšty, karjuo — karju, tietyä — tiesi,
aštuo — aššuin, šelittyä — šelitti, pöläštyö — pöläšty, hypätä — hyppäsin,
muhahtua — muhahti, jättyä — jätti, tarttuo — tartuttih, kašvua — kašvau,
torata — torattih, heitellä — heittelin, miettie — mietti, lisätä — lisäsi,
näyttyä — näyttäy.
2.
Luve teksti, vaštua kyšymykših tekstin jälkeh.
Pienen hiirenpoikasen šuuri matka
Eskimossien starina
Kerran pieni hiirenpoikani läksi matkuštamah. Hiiri-ämmö paisto
punukalla matkah rieškasie ta kaimasi šen pihalla šuate. Hiirenpoikani läksi
aikaseh huomenekšella ta myöšty vašta illalla.
— Ämmö! karju hiirenpoikani. — Mie olen kaikista voimakkahin,
kaikista vikkelin, kaikista rohkein koko tunturissa!
— Mistäpä šie šen šait tietyä? kyšy ämmö.