39 / 98
38
1.
Kirjuta uuvvet verbit šanavihkoh. Kiännä.
Muata — muatah, yrittyä — yritti, piäššä — piäšöy, ruveta — rupesi,
kaivua — kaivamah,
havaččeutuo — havaččeutu,
šuhissa — šuhisou,
noušša — nouškua, kekšie — kekšin, pelaštautuo — pelaštu, tahtuo — tahot,
kipeytyö — kipeyvyt, kostittua — kostitamma, šuoštuo — šuoštu, vuottua —
vuotamma, kotkottua — kotkotti, himottua — ei himottan, löytyä — löyvämmä,
rikkuo — rikko.
2.
Luve teksti, vaštua kyšymykših.
Repo ta kanat
Italijalaini starina
Kaikilla kyläläisillä oli tuttu Aleksa-repo — kanojen varaštaja. Yhtenä
yönä repo näki, jotta talon koirat muatah. Aleksa yritti piäššä kanalah.
Repo juoksi ympäri kanalua ta rupesi kaivamah kuoppua. Yksi kanoista
havaččeutu ta kuuli, jotta nurkašša mi lienöy šuhisou.
— Tytöt, nouškua! Meijän luo tuli repo!
Kanat ruvettih kotkottamah. Polli-kana hyppäsi orrelta ta mäni ravon
lähellä.
— Mie olen kekšin, mitein myö voimma pelaštautuo, šano še.
— Aleksa, šiekö olet? — kyšy Polli.