Background Image
Previous Page  34 / 98 Next Page
Basic version Information
Show Menu
Previous Page 34 / 98 Next Page
Page Background

33

Muamo kučču monta kertua. Ka pojat ei lähetty vejellä.

Vanhin šano:

— Miula jalaččija ei ole.

Toini šano:

— Miula lakkie ei ole.

Kolmaš šano:

— Miula vuatteita ei ole.

A nelläš mitänä ei vaššannun.

Muamo heilä vaštah:

— Joki on čumin lähellä, voipi käyvä ilmain vuatteitaki. Oikein milma

janottau, keroni on kuiva.

Lapšet nakrun kera juoštih pihalla. Pitälti leikittih, čumih muamon luo

ei käyty. Šiitä vanhimmalla pojalla tuli nälkä ta hiän tuli čumih.

Kaččou, ka muamo šeisou čumin kešellä. Šeisou ta koššon piällä panou.

Yhtäkkie košto linnun šulkiloilla peitty. Muamo otti lauvan, kumpasella

tal’l’oja kuaputah, ta še muuttu linnun hännäkši. Rautani šormuš tuli hänen

n’okakši, kiät muututtih šiipilöiksi.

Muamo muuttu linnukši ta lenti čumista pihalla. Vanhin poika karjeutu:

— Vellet, kaččokkua, meijän mamma lintuna lentäy pois!

Lapšet juokšomah muamolla jälkeh, karjutah:

— Mamma, myö šiula vettä toima!

Muamo vaštuau:

— Kuk-kuu, kuk-kuu! Myöhäistä on, myöhäistä! Nyt järvet ollah miun

ieššä!

Juoššah lapšet, kučutah muamuo, kauhaista vejen kera ojennetah.

Nuorin poika karjuu:

— Mamma, mamma! Tule kotih! Ota vettä! Juo, mamma!

Muamo etähyätä vaštuau:

— Kuk-kuu, kuk-kuu! Myöhäistä on, poikani! Mie en myöššy!

Niin lapšet juoštih monta yötä ta päivyä kivijä, šoita ta mättähie myöten.

Jalat vereh šatatettih. Missä juoššah, šiihi ruškie jälki jiäy.

Ei myöštyn muamo-käki. Šiitä ajašta käki ei luaji pešyä eikä kašvata iče

poikasieh, a tunturissa ruškie šammal kašvau.

Kiänti:

Maikki Spicina