41 / 98
40
1. tunti
1.
Kuuntele teksti. Kirjuta uuvvet šanat šanavihkoh.
Talvi on pitkä aika
Karjalašša talvi on pitin vuuvvenaika. Še tulou pohjoseh šajekuun
lopušša, šuveh — pimiekuun alušša. Še peittäy muan lumella, jiävyttäy jovet
ta järvet.
Šanotah, kun ollou talvella pakkaista, ni tulou äkie kešä.
Lapšet
hiihelläh šuksilla, ajellah čunalla ta juoššah luistimilla. Mečäššä elämä
ei kuole. Pakkasella harmua orava jättäy oman pešän ta hyppelöy okšalta
okšalla, šyöy kuušen šiemenie. Talvipešäššä makuau kontie, a lehtitukušša
hilleni šiili. Voit nähä käpylintuja, tetrijä ta muita lintuja. Vaikie on talvella
pienillä lintusilla. Meijän pitäy auttua heitä!
2.
Vaštua kyšymykših.
1. Mimmoni talvi Karjalašša on?
2. Konša še alkau?
3. Mitä lapšet ruatah talvella?
4. Mimmoni elämä mečäššä on?
5. Mitein myö voimma auttua lintuja?
3.
Avua šulut.
(Karjala) talvi on kaunis vuuvvenaika. Še tulou (pohjoni) šajekuušša,
(šuvi) — pimiekuušša. Lapšet (hiihellä), (ajella) čunalla ta (juošša) luistimilla.
(Meččä) elämä ei kuole. Orava (hypellä), (šyyvvä) šiemenie. (Pešä) makuau
kontie, a (lehtitukku) šiili.
4.
Kiännä virkkehet.
Зима в Карелии самое длинное, но красивое время года. Дети ка-
таются на лыжах и на санках. Зимой медведь спит в берлоге. Птицам
зимой сложно — нам нужно им помогать!