Kukojeva, Ginijatullina - Vepsan Kel 4 Klass

— Vak-ha-ha! Vak-ha-ha! — ken-se hahataškanzi.

Kaik nägištiba: babukaižen päl ištub löc i hahatab:

— Nu, tö! Babuk-se...

Hän ei sanund enamb nimidä i hüppähti täspäi.

Kaik kacuhtiba babukaha i sid’ tärziba, mikš edel ahtaz

ühtele-ki babukan al oli, a nügüd’ videle sijad löuzihe.

A el’genzit-ik tö?

Vladimir Sutejevan

mödhe vepsäks kändi Olga Zaiceva

Rürik Lonin

Tal’v

Irdal lumi pöläidab,

Vilu tullei ulaidab,

Pakašt mö em varaikoi,

Irdal-ki em säraikoi.

Sured lumitähthaižed,

Hoštajad da vauktaižed,

Tazotadas dorogid,

Tehtas lumitorokid.

Lumi il’mas lendlese,

Askei maha verese,

Pakaine ei magada,

Veden järviš tagodab.

1) Ken vilud ei varaida?

2) Midä tegeba lumitorokad?

3) Mi järvid tagodab?