47 / 106
46
13.
Luge tekst da tege iče küzundoid
tekstan mödhe. Kirjuta küzundad lehtikoho.
Kalagen školan istorii
Škol oli avaitud Kalages vodel tuha kahesasadad viž
papin pertiš. Suren panendan opendusehe tegiba opendajad —
jumalankodin ezitajad. Openduzkirjad oliba jumalaižed kirjad:
psaltir i časoslov. Opendajan radoi nor’ ponomar’ Ivan Devatinski.
Kel’ oli lujas jüged: pühäslavine.
Meiden aigahasai om jänu bumagoid arvsanoidenke. Suren
radon lapsiden opendusehe Kalages tegi pap’ P’otr F’odorovič
Sermägin. Meiden küläs radoiba lujas melentartuižed ristitud,
mugomad kut Uspenskijoiden rod. Koumekümne vot meiden školas
radoi Aleksandr Konstantinovič Uspenskii.
Uspenskijoiden rodule om enamba kaks’sadad vot. Pavel
Konstantinovič Uspenskii om venä-čudin vajehnikan tegii. Opendai
Jevdokija Iljinična Ispolatova sai ordenan ičeze rados. Meiden
školas openzihe sured tetabad mehed: Karjalan pirdai Safonii
Dmitrijevič Jeršov, vepsän etnograf Dmitrii Puškin, mäni kaiken
voinan meiden pirdandan opendai F’odor Aleksejevič Anikejev.
Tänämbaine škol om tehtud vodel tuha ühesasadad kaks’kümne
üks’. Škol om etnokul’turan komponentanke. Lapsed opendaba
vepsän kel’t päivkodišpäi.
Svetlana Gotič
14.
Starinoiče sebranikale Uspenskijoiden rodun
polhe.
Škol vodel 1960.
Škol vodel 2014.