43 / 106
42
Lapsed iče-ki jo tedaba, kus vepsläižed eläba, miččiš agjoiš.
Kaikutte openik starinoiči, kus eläba hänen
ičhižed
. Neniš
starinoišpäi nägui, miččel vepsän kelen
paginal
pagižeba heiden
vanhembad da kazvatajad. Pagin oli Šoutjärves, Kalages, Vidlas,
Kurbal, Vil’hälas, Ladvas, Järviš, Pondalas, Voilahtes, Päžjärves
i toižiš. Necen paginan aigan openikad
toštiba
äjid sanoid,
tedištiba uzid. Parahimad starinad ičeze vahhembiš openikad
kirjutiba školan seinlehtesehe, kudamban hö pästaba školan
sündundpäiväks. Kümne vot jo seinlehteses om lehtpol’ vepsän-ki
kelel.
Necidä lehtpol’t navediba lugeda openikoiden baboid da dedoid.
Erased heišpäi ende ei mahtnugoi-ki lugeda, i vaiše heiden
vunukad openziba heid lugeda vepsäks. Nece om
sel’ged
: ved’
vepsän kel’t ei olend školas enambad kutkümned vot. Nügüd’
lapsile pidab udessündutada kaiken. Lapsišpäi rippub heiden
rahvahan
tulii aig
.
Ol’ga Zaiceva
a) Ližada küzundsanoid. Kirjuta küzundad
lehtikoho, a jäl’ges anda vastused.
1) ... klassan openikad urokal oma?
2) ... lapsed iče-ki jo tedaba?
3) ... pagin urokal oli?
4) ... parahimad starinad ičeze vahhembiš lapsed kirjutiba?
5) ... nügüd’ lapsile pidab tehta?
b) Kacu tekstaha da tege sanundad anttud vaihidenke
(sanoidenke). Kirjuta ned lehtikoho.
1) Starinoičeb, maman, Marina Ivanovna, lapsile, keles.
2) Maman, kel’, ühtenzoitab, rahvahanke, hänen, ristitun.
3) Ičhižed, kaikutte, kus, openik, starinoiči, eläba, hänen.
4) Ei olend, vepsän, enambad, kel’t, školas, kutkümned
vot.
5) Lapsišpäi, rahvahan, rippub, tulii, heiden, aig.