49 / 106
48
7.
Luge tekst da tege jäl’ges harjoitused.
Minun baban da dedan fater ei ole sur’. Fateras om kaks’
honust, keitimpol’ i ezine. Hö eläba fateras kahten. Heil om
ühthine honuz. Se om lujas sur’ i vauged. Sigä om televizor,
pehmed divan i kaks’ lebuištint. Neciš honuses hö ištuba ühtes
da kacuba televizorad. Toine honuz om heiden magaduzhonuz.
Se om pen’. Koumanz’ honuz om meiden, sikš ku mö paksus
kävelem heidennoks adivoihe.
Meiden honuz om pen’ i čoma. Honuses om sur’ ikun.
Iknanpölusel om 2 änikod. Völ honuses oma meiden magaduzsijad,
kirjutuzlaud, kirjpalič, škap i 2 ištint. Paličal oma meiden
bobaižed, vändod, kirjad. Seinäd oma sini-vauvhad, lagi om
vauged, a laval om čoma pakuine hurst’. Iknas oma uudimed:
sinižed pakuižil tähthil. Täs honuses mö lebaidamoiš. Se om
lujas kodikaz.
a) Valiče vastusišpäi oikti: KA vai EI.
1) Minun baban da dedan fater om sur’.
Ka Ei
2) Baban da dedan ühthižes honuses om televizor,
pehmed divan i kaks’ lebuištint.
Ka Ei
3) Dedan da baban fateras om meiden-ki honuz. Ka Ei
4) Meiden honuses oma sured iknad.
Ka Ei
b) Valiče oiged sanundan lop.
1) Baboi da dedoi eläba fateras ...
a) koumen.
b) kahten.
c) viden.
2) Ühthine honuz om ...
a) pen’ i vauged.
b) sur’ i kodikaz.
c) sur’ i vauged.