45
kelen opendamine mäneb školas kaikiden openikoiden täht. Lapsed
zavodiba opeta vepsän kel’t toižespäi klassaspäi da opendaba sidä
ühesandehesai. Lapsed melenke opendaba vepsän kel’t. Himonke
tuleba urokoile. Völ lapsil om fakul’tativ, kus lapsed pajataba,
kargaidaba da opendaba runoid vepsän kelel. Heile nece om
mel’he!
11.
Starinoiče da kirjuta ozutesen mödhe
ičeiž kodiküläs da školas.
12.
Luge runo kelenvändonke. Pirda lehtikos,
min polhe om runo.
N. Abramov
Kodite
Minä pahan lidnan jätin,
Kodimale ajan möst...
Sel’ged vezi meiden järviš,
Vihand jogen taga mec.
Minun sizar — korbes kägi,
Keväz’mecoi — minun vel’l’...
Kaikiš korktemb — meiden mägi,
Kaikiš paremb — meiden kel’!
Muren’ mašin, astun jaugai,
Mel’, sä kod’he mindai ve…
Kaikiš pidemb — meiden jogi,
Kaikiš armhemb — kodite!
1) Kuna runoilii ajab?
2) Ked hänen sizar da vel’l’ oma?
3) Mi kaikiš armhemb runoilijale om?