74 / 106
73
Meiden mecas kazvab äi tomid, koivuid, haboid, a völ om äi
marjoid. Nece om murikaine, bol, mustikaine, hebočaine, garbol.
Meiden mecjärviš om äi kalad. Mö tatanke kezal sam äjan kalad.
Neciš küläs eläb hüvä rahvaz. Ende küläs oli äi kädekahid
mehid, kudambad tegiba venehid, kudoiba verkoid, vanutiba
kangoid. Meiden kul’turpertiš pajatadas pajoid, kargaitas, sanutas
sarnoid. Oma meiden kul’turpertiš ičemoi pajanikad, kudambad
iče sätas pajoid, vändoid, lühüdoid pajoižid. A völ meiden küläs
rahvaz voib nähta armhid adivoid. Heid vastatas pajonke, kargunke
i magedoidenke emägusidenke. Meiden ristitud kaikuččele pühäle
paštaba koloboid, kalitkoid, ajaba skancoid, valaba kürzid.
Minä navedin ičein küläd. Tägä minä kazvoin i en vajehta
sidä nimille.
Mitte külän nimi om?
a) Ližada sanad sanundoihe.
1) Minun ... om minei mel’he.
2) Meiden pert’ om järven ... .
3) Kezal mö kül’bemoiš, ... venehil.
4) Kezal ... lehmid, vazaižid, lambhaižid.
5) Mö tatanke kezal ... äjan kalad.
6) Ende küläs oli äi kädekahid mehid, kudambad
tegiba ... , kudoiba verkoid, ... kangoid.
7) Adivoid küläs vastatas pajonke, kargunke i
magedoidenke ... .
8) Tägä minä kazvoin i ... sidä nimille.
b) Anda vastused küzundoihe.
1) Mitte rahvaz vepsläižed oma?
2) Kus vepsläižed eläba?
3) Keda vepsläižiden tetabiden mehiden keskes sinä tedad?
4) Miččid vepsläižid pajosebroid sinä tedad?
5) Miččid vepsläižid muzejoid sinä tedad? Starinoiče sen
polhe.