68
5.
Pane muštho sanad.
babarmmujuine — малиновый
buč — бочка
kagr — овес
käzitö — рукоделие, ремесло
manradod — земляные работы
mectuz — охота
nagriž — репа
nižu — пшеница
ozr — ячмень
parz’ — бревно
püta — ловить рыбу
pölvaz — лён
rugiž — рожь
savi — глина
semeta — сеять
vestta — тесать
6.
Luge tekst.
Vepsläižiden radod
Vepsläižed ende enamba eliba küliš. Heiden päazjoin oliba
manradod, mectuz da kalatuz. Hö semenziba ozrad, rugišt, kagrad,
nižud, kazvatiba pölvast, nagrišt. Mectusen abul hö maksoiba
nalogoid, ostiba leibäd i tošt sömäd. Mecatiba jänišid, oravid,
reboid, händikahid, hirbid, il’besid, tedrid, püid, meckanoid, sorzid.
Sališt hö möiba Piterihe.
Jogiden da järviden randoil vepsläižed kalatiba. Hö püdiba
sigkaloid, lohid, räpusid, lahnoid, kuhid, ahvenid, madehid.
Äjiš vepsläižiš küliš oli mitte-ni käzitö. Erased tehliba astjoid
savespäi, toižed — bučid da venehid. Oli mugažo vepsläižil
parziden ajand jogedme.
Sur’ tetabuz’ oli pohjoižvepsläižil kivimastaril. Hö saiba kivid
da vestiba niid ičeze käzil. Šokšun babarmmujuine kvarcit om
tetab kaikes mirus. Äjad muštpachad Venämas da verhiš-ki maiš
tehtas neciš kivespäi.
a) Anda vastused küzundoihe.
1) Miččed vepsläižiden päazjad oliba?
2) Min abul hö maksoiba nalogoid da ostiba leibäd?
3) Miččed käzitöd heil oliba?
4) Mitte kivi kaikes mirus om tetab?