38 / 94
37
KODILUGU
1.
Kirjuta uded sanad vajehniklehtikoho. Kända ned.
Magata — magadaba, ladida — ladi, putta — putui, zavodida — zavodi,
kaida — kaivoi, heraštuda — heraštui, šobaita — šobaidab, nousta — nouskat,
meletada — meletin, kaitas — kaičihe, tahtoida — tahtoid, läžegata —
läžeganded, adivoičetada — adivoičeti, hökkähtada — hökkähti, varastada —
varastam, kotkodada — kotkotiba, tahtoida — ei tahtoinugoi, löuta — löudam,
katkaita — katkaiži.
2.
Luge tekst, anda vastused küzundoihe.
Reboi da kanad
Italialaine sarn
Kaikile küläs oli tutab Aleksa-reboi — kanoiden vargastai. Ühtel öl reboi
nägišti, miše koirad magadaba. Aleksa ladi putta kanankodaha. Reboi joksi
ümbri kanankodad da zavodi kaida karan. Üks
ʼ
kana heraštui da kulišti,
miše ken-se šobaidab.
— Neiččed, nouskat! Meidennoks tuli reboi!
Kanad zavodiba kotkotada. Polli-kana hüppähti öpulpäi da hurahti
verajannoks.
— Minä meletin, kut mö voim kaitas, — sanui se kanoile.
— Aleksa, oled-ik sinä? — küzui Polli.