30 / 82
29
13. Luge i kända tekst.
Päivän märaig
Ondrei:
Tervhen, Anna!
Anna:
Tervhen, Ondrei! Midä ut om?
Ondrei:
Minä tegin päivän märaigan.
Anna:
Nece om hüvä. Konz sinä
nouzed joga päivän?
Ondrei:
Seičeme časud homendest.
Anna:
Vaumičed-ik sinä iče sömäd?
Ondrei:
En. Mamoi vaumičeb murginan.
Anna:
Söd-ik homendesel kodiš?
Ondrei:
Sön voileibäd da jon čajud. Sid’ minä ajan školha
velokezral.
Anna:
Midä sinä teged školas rat’kaigal?
Ondrei:
Minä sön školansömsijas. Völ mö vändam da olem
irdal.
Anna:
Midä sinä teged ehtal?
Ondrei:
Lugen kirjad da kacun TV:d.
Anna:
Kut lebaidatoi sobatan da pühäpäivän?
Ondrei:
Nedal’lopus nouzen möhemba, lebaidamoi da kävun
kinoho.
Anna:
Minei tarbiž tehta mugažo päivän märaig.
Ondrei:
Tege. Sinä huomaičed, miše ehtid enamba.
Anna:
Hüvä, Ondrei! Spasib, sinei!
14. Starinoiče da kirjuta ičeiž päivän märaigan
polhe.
Homendesel minä .
Jäl’ges .
Päiväl minä .
Jäl’ges školad .
Ehtal .