68 / 114
67
4. tunti
1.
Luve ta kiännä teksti.
Ort’on korttieri
Mie elän Kalevalašša, Sovetskaja kavulla. Meilä on oma
korttieri. Korttieri on lämmin, mukava ta valosa. Meilä on
kolme huonehta: olohuoneh, makuuhuoneh, lapšienhuoneh, keittijö,
etehini ta šuuri kylpyhuoneh. Olohuonehešša on video, nauhuri,
DVD, televiisori, šuuri škuappi, lattiella on kaunis ruškie matto.
Keittijöššä on jiäškuappi, stola, nellä stuulua. Šeinillä on polčat.
Aštieškuapissa on kupit, ploškat, stokanat, veičet, lusikat. Meilä
pihašša on oma kyly.
Miula on oma huoneh. Ikkunan oikiella puolella on tivana.
Škuapin vaštapiätä on kirjutušstola ta lamppu. Stolalla on
tietokoneh. Šeinällä on plakattija. Tivanan alla on luatikko,
kumpasešša on kukkasie. Mie šiivuon huonehta joka šuovatta.
Miun huoneh on kaunis. Ikkunašta näkyy Kuittijärvi.
2.
Vaštua kyšymykših.
1. Missä poika eläy?
2. Montako huonehta heijän korttierissa on?
3. Mitä olohuonehešša on?
4. Onko Ort’on huoneh šiišti?
5. Mitein poika šiivuou huonehta?
3.
Jata virkkehet.
Mie elän ... ... kavulla. Korttieri on ... . Meilä on ...
huonehta: ... . Olohuonehešša on ... . Keittijöššä on ... .
4.
Kirjuta koissa 12 virkehtä omašta korttierista.