87 / 98
86
1.
Kiännä verbit šanakirjan avulla. Jotta olis helpompi, juakua
ryhmih.
Puhistua — puhissettih, miellyttyä — miellytti, alkua — alettih, ikävöijä —
ikävöičen, keräytyö — keräyvyttih, ajatella — ajateltih, ehottua — ehotti,
omistua — omissettih, piättyä — piätettih, rikkuo — rikko, šuhissa — šuhistih,
vaihtua — vaihto, ruveta — ruvettih, pyytyä — pyytti, ilmeštyö — ilmeššyttih.
2.
Kiännä teksti ta vaštua kyšymykših.
Iro Joki
Kevät ta tontut
Mečäššä elettih tontut. Talvella hyö autettih mečän eläjie, puhissettih
puun okšie lumešta, jotta päiväsen šätiet voitais piäššä okšien läpi.
Tonttuja miellytti Talvi. Ka tuiskukuun lopušša hyö alettih ikävöijä
lämpimie päivie, šentäh hyö keräyvyttih yhteh, jotta kuččuo Kevättä.
Tontut ajateltih, mitein häntä vois paremmin kuččuo. Yksi ehotti
männä aukiella paikalla ta karjuo: «Kevät! Tule rutompah ta herätä meijät
tälviunešta!»