86 / 98
85
4.
Šano mallin mukah. Kačo taulukko
№ 7
.
Malli: kalua — kala.
Haukie, šiikua, kuhua, lohta, lahnua, ahventa, šärkie, kiiskie, mujehta.
5.
Mitä kalua kuvašša on?
6.
Tykkyätkö šie kalaštua? Mitä mukavua on kalan onkittamisešša?
— Kuulin, jotta šie olet Karjalašta.
— Še on totta.
— Onko Karjalašša äijän jokija ta järvijä?
— Karjala on kaunis järvi- ta meččämua. Meilä on läššä 12 tuhatta jokie
ta 60 tuhatta järvie.
— Niin äijän! Olen kalaštaja. Mimmoista kalua pyyvvetäh šielä?
— Verkkoh puuttuu hauki, šiika, kuha, toičči lohiki. Onkeh šuamma
lahnua, ahventa, šärkie, kiiskie.
— Onko šiula tiijošša kalapaikka?
— On. Rikeneh käymmä tuaton kera onkittamah.
— Ainako pyyvvättä kalua rannašta?
— Emmä aina. Toičči käymmä venehellä.
— Konša nykiy paremmin?
— Aikaseh huomenekšella. Tule kostih, kačot meijän kaunehie paikkoja.
Meijän kylän ympäri on monta lampie.
— Passipo šuuri kučunnašta. Enši kešänä tulen, kun ollou aikua.
— Tule vain.
7.
Vaštua.
1. Äijänkö järvie ta jokie on Karjalašša?
2. Mimmoista kalua pyyvvetäh?
3. Missä voit kalaštua?
4. Konša nykiy paremmin: huomenekšella vain päivällä?
5. Millä pyyvvetäh kalua?