6 / 106
5
Urokad 1—30
Keza.
1.
Luge da kända runo. Luge runo
kelenvändonke. Anda
vastusid küzundoihe.
Jelizaveta Haritonova
Uz’ openduzvoz’
Libugat-ške, lapsed, hüväd!
Školha mända tuli aig.
Čomitagat lentoil, tukad,
Pangat sel’gha tedošaug.
Kerazit tö väged kezal,
Ruskoštoitit hibjaižid.
Jokselit-ki mürkal krežal,
Vahvištoitit luhuzid.
Astkat školha täudel jaugal,
Melentartust tedištat.
Muštkat, hüväl opendusel
Jügedused vägestat.
1) Mitte aig lapsile tuli?
2) Midä lapsed kezal tegiba?
3) Midä lapsile pidab muštta asttes školha?
2.
Ližada dialog.
— Tervhen, Miku!
— Tervhen, Nastoi! Hätken sindai en nägend. Kut sinä
mänetid kezad?
— Minä olin ______________ . Sigä lebaižimoi sebranikoidenke.
A kus sinä lebaižitoi?