11 / 106
10
14.
Pane muštho sanad.
kaksjaižed — близнецы
kuzišt — ельник
nenakaz — упрямый
segoida — заблудиться
kucta abuhu — звать на помощь
kidastada — кричать
kelastada — врать
joksmusen pidust’ — по течению
pätta — решать
kadotada — терять
temkirjutez — сочинение
15.
Luge da kända tekst.
Babukoihe
Oli lopkeza. Openduzvodhesai oli jänu vaiše üks’ nedal’.
Baboi keiti marjkeitost i tegi solatusid. Kaksjaižed Ol’a da
Vera ištuiba laučal sadus i meletiba, midä oliži tehta.
— Vera, mängam babukoihe, — sanui Ol’a.
— Kenenke mänem?
— Mö mänem kahten. Baboile sanum, miše mänem keradamha
änikoid nitule.
Naku hän ihastub, konz mö tulem kodihe täuded puzuižed
babukoid.
Neičukaižed kerazihe pigai i läksiba lähembaižehe kuzištoho.
Asttes tedme hö vastsiba mecanvarjoičijan poigan. Mit’a čududelihe,
konz nägišti neičukaižid mectehudel. Hän tezi, miše lapsile ei pida
mända mecha vanhembita. Mit’a sanui edelpäi, miše neičukaižed
ei mänižigoi ojas päliči. Ol’a oli nenakaz i ei tahtoind kundelta
Mit’ad, da völ abidi händast.
Pigai neičukaižed unohtiba kaiken polhe. Jäl’ghe vihmad mecas
oli äi babukoid. Neičukaižed joksenziba mecadme i eciba niid.
Konz puzuižed oliba täuded, hö ištuihe lebaidamha suren kuzen
alle. Ümbri oli tundmatoi mec. Lapsed segoiba. Siloi Ol’a žalleiči,
miše ei kundlend Mit’ad. Hän kucuškanzi abuhu i voikaškanzi.