14 / 82
13
Edel tataze da mamaze eliba küläs. Nügüd’ sigä eläba Lenan
baboi da dedoi. Baboi radab školas, hän om opendai. Dedoi
radab mecanvarjoičijan. Hö paksus soitaba vunukoile i tuleba
adivoihe Petroskoihe. Lidnas hö navediba kävuda teatraha.
Pästusil Lena da Vera ajeleba külähä. Lenan kanzas kaik
pagižeba vepsän kelel.
20. Anda vastusid küzundoihe.
1) Mitte Lenan kanz om?
2) Kus radaba Lenan vanhembad?
3) Kus eläba baboi da dedoi?
4) Miččes klassas opendase Vera?
5) Miččel kelel pagižeba Lenan kanzas?
21. Luge da kända dialog.
Sveta:
Oled-ik sinä openik?
Lena:
Ka, minä opendamoi suomalaiž-ugrilaižes školas.
Sveta:
Miččes klassas sinä opendatoi?
Lena:
Minä opendamoi koumandes klassas.
Sveta:
Opendad-ik sinä kelid?
Lena:
Ka, minä opendan vepsän da suomen kel’t.
Sveta:
Oled-ik sinä petroskoilaine?
Lena:
Ka, minä olen sündunu Petroskoiš.
Sveta:
Oma-ik sinun vanhembad petroskolaižed?
Lena:
Ei. Minun mamoi da tatoi oma sündunuded Šoutjärv-
külähä. Küläs eläba minun baboi da dedoi.
Sveta:
Kus radab sinun mamoi?
Lena:
Mamoi radab laukas.
Sveta:
Kenen radab sinun tatoi?
Lena:
Tatoi radab pämehen zavodal.
Sveta:
Ajelet-ik tö külähä?
Lena:
Ka, mö sizarenke paksus ajelem külähä. Nece om
vepsläine külä Änižen randal. Sigä rahvaz pagižeb völ
vepsän kelel.