58
4.
Luve teksti.
Ol’onan päivä
Miun päivä on pitkä ta mukava. Ehin luatie šen aikana
äijän. Kello šeiččemen mie havaččeuvun, mänen pešeytymäh
ta puhistamah hampahat. Kuni muamoni laittau ruokua, mie
korjuan šijani ta tuuletan huonehen. Tavallisešti huomenekšella
mie kerkien kaččuo televiisorista piirrošfilmin. Šiitä mie šyön
murkinua ta pešen aštiet. Šen jälkeh mie šuoriuvun ta mänen
kouluh. Koulu on lähellä, šentäh piäšen
kouluh aštumalla. Tavallisešti miula
on viisi tuntie. Kello kakši mie olen
koissa. Koissa vaihan vuattieni, šyön
päivällistä ta luven kotitehtävie. Kello
kolme miula on harjottelut uimahallissa.
Illalla tuaton kera myö luvemma kirjoja
tahi peluamma tietokonehella. Kello
yhekšän mänen muate. Yöllä mie niän
hyvie unie.
Mistä Ol’onan uni on? Mimmoni uni šiula tänäpiänä
oli?
5.
Löyvä šanarivistä liika šana.
Pieni, pakšu, šuuri, korkie, ohut, matala, vualie.
6.
Luaji koissa. Kirjuta 12 virkehtä omašta
päiväštä.
4. tunti
1.
Avua šulut.
Mie (šyyvvä) murkinua kello kymmenen. (Juuvva)ko šie
kahvie vai čäijyö huomenekšella? Myö (tuuvva) vihkot opaštajalla
huomena. (Myyvvä)kö hyö makeita omenoja?