78 / 94
77
KODILUGU
1.
Luge tekst, kirjuta tundmatomad sanad.
2.
Kända, anda vastused küzundoihe.
Kut Päiväine da Kudmaine
käveliba toine toižennoks adivoihe
Albanialaine sarn
Kerdan Päiväine kucui adivoihe Kudmaižen. Kudmaine päti keradamha
taivhalpäi kaikid hoštajimbid da čomembid tähthid. Pani niid hobedaha
blödaha da läksi adivoihe.
Päiväine da Kudmaine söiba, joiba, pagižiba toine toiženke.
Sid’ Kudmaine kucui Päiväšt adivoihe. Päiväine meleti, midä lahjoita
Kudmaižele? Hän kucui omblijan da sanui:
— Minä tahtoin mända adivoihe Kudmaižennoks. Minei tarbiž kaikid
parahim lahj. Omble sädo pil’višpäi, miše se oliži čoma da kožuiži Kudmaižele.
Omblii sanub vastha:
— Minä en voi tehta ningošt radod. Kudmaine vajehtase kaikuižel päiväl.
Tämbei se om kehker kuti mäč, homen zavodib laihtuda ühtes polespäi,
a kahtes nedališ päliči se laihtub muga, miše linneb kuti sirp.