44 / 82
43
9. Luge da kända tekst.
Maidnedal’
Jäl’gmäine tal’vpraznik om Maidnedal’. Maidnedal’ kaimdab
tal’ved da vasttab kevät. Sen praznuidas nedalin. Kaikuččel
nedalin päiväl om ičeze nimi. Ezmärg om vastuz, a pühäpäiv om
prostindpäiv. Maidnedalin praznikan augotižes mehed sädataba
tätün vai pöl’goitimen. Kaik mehed oma hüviš meliš.
Kaik vändaba, paštaba äi kürzid. Kaik käveleba toine
toižennoks adivoihe, sanuba tervhensanoid, pajataba lühüdoid
pajoid, tegeba horovodoid. Sobatan rahvaz kaimdaba tal’ved
da poltaba pöl’goitimen. Pühäpäivän kaik rahvaz tervehtab da
prostib toine tošt.
Maidnedal’ — nece om ilokaz praznik kaikile!
10. Kända sanad da jaga niid 3 gruppaha.
Om, sädatiba, sanub, šurgаba, käveleb, oliba, poltaba,
vändiba, oma, tervehtaba, prostib, kaimdab.
Midä void sanuda
”prostib”
sanan polhe?
11.
Pane muštho.
Kägi, kukku, kägi, kukku.
Lämäs kätkes, lapsut, nukku.
Dedoi, pleti virzuižid,
Baboi, vala kürzaižid.