27
5. Luge runo.
Nikolai Abramov
Urok mäneb külän školas,
Kulub opendajan än’...
Ondrei eglai oli bolas,
Tämbei – opendamhas män’.
Maša hüvän kuvan pirdab,
Nägub te i pertin soum.
Pet’a meles om jo irdal,
Järven randal amu om.
Zirkloižehe kacub Ol’a,
Johor nukkub, pästi pän.
Saubas sil’mäd ištub Kol’a,
Keza-aigad muštleb hän.
Jura Lenan restab kasas
Opendamas vepsän kel’t.
Mäneb urok meiden klassas,
Lapsed keradaba mel’t.
6. Luge, kända da ota muštho.
Antta:
mö andam vastusid
Kirjutada:
mö kirjutam vaihid i sanundoid
Kundelta:
mö kundlem sanutesid
Lugeda:
mö lugem
Pagišta:
mö pagižem vepsäks
Pajatada:
mö pajatam pajoid
Sanuda:
mö sanum sarnoid
Tehta:
mö tegem küzundoid
7. Tege ozutesen mödhe.
Minä lugen.– Sinä luged. Mö lugem.
Minä kirjutan. – Sinä ... . – Mö .... .
Minä pajatan. – Sinä ... . – Mö ... .
Minä sanun. – Sinä ... . – Mö ... .
Minä tegen. – Sinä teged. – Mö tegem .