24
Nina Zaiceva
Ilosine kirjamišt
Aa: aig
A
ig om tulnu školha mända,
abekirjan sinna kandan.
Bb: bol
B
olha lähtta tahtoim
vellenke mö kahten.
Cc: cipa, cipuine
C
ipa-cipa armaz
eläb meiden tanhas.
Dd: dedoi
D
edoinke mö kalha astum,
ehtal kaži meid jo vasttab.
Ee: edenoi
E
denoi-mödenoi, ozuta sarved,
anda-ške meile tippuine maidod.
Ff: flag
F
lagoid irdal praznikpäivän
riputadud ümbri äjan.
Gg: garbol
G
arbol – rusked, käbed, järed,
kükseb meišpäi kibud, särud.
Hh: hebo
H
ebo paimendase normel.
Koskta voiž hot’ ühtel sormel!
Ii: il’bez
I
l’bez söda tahtoib,
ecta sömäd mahtab.
Jj: jäniš
J
äniš vauged mecas eläb,
nähta lumel ei voi, velled.
Kk: kana
K
ana meiden kakatab,
ičez poigid varastab.
Ll: lumi
L
umi vauged, lumi pehmed,
kuti höunhišpäi om tehtud.
Mm: mamoi
M
amoi vedäb tütren kädes
rusttas paikas, čomas sädos.