80
6. tunti
Tiijätkö šie nämä šanat?
hauki
ihmini
itkie
Kalevalanpäivä
kannel
kanšallisšoitin
kašvua
korpi
lankie
leukaluu
myršky
nuakla
polvi
šoittua.
šormi
šyntyö
taito
upota
valmistua
yhtyveh
7. tunti
E. Lönnrot ta Kalevala
1.
Kiännä šanat šanakirjan avulla.
Kiäntäjä, luoja, riätäli, tutkija, painoš, piiriliäkäri, šeppä,
yliopiston professori.
2.
Luve ta kiännä teksti, kirjuta uuvvet šanat šanavihkoh
.
Elias Lönnrot oli kanšanrunouven luoja, kiäntäjä
ta šanakirjan luatija. Lönnrot šynty Sammatissa
vuotena 1802. Hänen tuattoh oli riätäli, pereh oli
köyhä.
Vuotena 1822 Lönnrot opaštu Turun yliopistošša.
Šielä Lönnrot tutki kanšanrunoutta. Opaštumisen
aikana hiän ruato kotiopaštajana.
Vuuvvešta 1827 E. Lönnrot rupesi opaštumah Helsinkin
yliopistošša. Yliopiston lopettuo Lönnrot ruato piiriliäkärinä.
Kešäsin hiän luati matkoja Karjalah ta keräsi runoja.
Hänen piäteoš on Kalevala. Kalevala-eepossašša kerrotah
Pohjolan ta Kalevalan muašta. Kalevalašša eletäh vanha viisaš
Väinämöini, rohkie šeppä Ilmarini ta iloni mečäštäjä Lemminkäini.
Pohjolan emäntä on Louhi. Kalevala-eepossašša kerrotah Šampo-
myllyštä, kumpani antau ihmisillä onnie.