21 / 82
20
11. Luge da kända tekst.
Minun škol
Minä olen Timoi. Nece om minun škol. Minä opendamoi
vepsän kelen klassas i opendan vepsän kel’t. Minun baboi om
vepsläine, hän pagižeb vepsäks, minä-ki tahtoin opeta vepsän
kel’t.
Minun škol om lujas čoma. Se om uz’, sur’ da vauvaz.
Škol om koumežiruine. Ezmäižel žirul om varništ, lekarin honuz,
augotižškol da sömsija. Toižel žirul oma klassad, opendajiden
honuz, školan pämehen honuz. Koumandel žirul om sur’
praznikzal. Se om lujas čoma.
Minun klass om toižel žirul. Se ei ole sur’, no om lujas
kodikaz. Meiden klassas om äi čomid änikoid, kuvid. Minun
klassas om 20 openikad. Mö olem kaik sebranikad.
Minä navedin ičein klassad da školad.