16
4.
Kiännä.
Šuuri kašvimua; auttua tyttyö kiäntyä muata, tuuvva multua;
luatie kašvipenkit (penkkerit); haravoija penkit; kylvyä retiisie;
muamo issuttau taimenet; hiän hoitau; hiän kitköy vesiheinie;
hiän kaštelou kukkie; Ol’ona korjuau šatuo.
5.
Luaji koissa. Kaččele taulukkuo № 3.
Šano mallin mukah.
Malli:
luukko. Mie tykkyän luuko + šta.
Porkkana, kuali, punajuuri, nakris, okurčča, tomatti, luukko,
herneh, potakka, ukroppa, petruška, česnokka, kurpičča.
2. tunti
1.
Luve ta kiännä teksti.
Ol’onan kašvimua
Ol’onan ämmöllä on šuuri kašvimua.
Pereh on šielä koko kešän. Ol’onallaki on
oma pieni kašvimua. Kevyällä tuatto auttau
tyttyö kiäntyä muata, tuuvva multua ta
luatie kašvipenkit (penkkerit). Ol’ona iče
haravoiččou penkit ta kylväy porkkanua ta
retiisie. Muamo issuttau kukkien taimija.
Ol’ona hoitau kašvimuata koko kešän. Hiän
kitköy vesiheinie, kaštelou kukkie ta kašvija.
Šykyšyllä Ol’ona korjuau hyvän šavon.
2.
Vaštua kyšymykših.
1. Kellä on šuuri kašvimua?
2. Onko Ol’onalla oma kašvimua?
3. Mitein Ol’onan tuatto auttau häntä kevyällä kašvimualla?
4. Mitä tyttö ruatau omalla kašvimualla?
5. Onko tytöllä hyvä šato?