VEPSÄN KELEN OPENDUZKIRJ

6 Zahar: Minä en teda, sikš miše minei om mel’he lugeda lehteztekstoid Internetas, kacta jogapäiväližid uzištoid televizoras, kundelta radiod mašinas da i matkpagižim kaiken om kerdal. Prosti mindai, Miku, lujas rigehtin sportzalha. Miku: Prosti, hätkestoitin sindai, Zahar! Zahar: Nacein, uden kerdan pagižem hätkemba! Miku: Oliži hüvä! Nägemoiš! Zahar: Nägemoiš, Miku! 3. Luge tekst da tege küzundoid jonoštadud sanoihe, kirjuta ned lehtikoho. Vestišt - nece om se, min abul mehed saba erazvuiččid uzištoid meiden ümbrišton pol’he. Nügüd’ om äi vestištoiden gruppid. Minä san uzid tedoid erazvuiččil vestištoiden abul. Paksumba navedin kacta TV. Minun armaz teleozutez om “Umniki i umnici”. Nece om lujas melentartuine i tark vänd norišton täht. Radion abul minä navedin kundelta muzikad. Nügüd’ lujas popul’arine om Internet. Sigä voib rata, väta, tehta ostmižid, opeta da opetas, sada uzid tedoid. Völ om lehtišt-vestišt. Nügüd’ sidä paksumba kävutadas aigvoččed mehed, pened lapsed da lapsed openduses, norišt enamba mel’düb Internetha. Meletan, miše harjemuz lugemaha kirjoid tuleb laps’aigaspäi. Minä meletan, miše vestištod – nece om tarbhaine azj mehiden elos. 4. Lopi sanundad. Nügüd’om äi _ ______________________________________________________________ Uzid tedoid _ _______________________________________________________________ Minun armaz teleozutez _ ___________________________________________________ Kundelta muzikad __________________________________________________________ Minun armaz kirj _ _________________________________________________________ Internetas minä ____________________________________________________________ 5. Luge da kända dialog. Anda vastuz küzundaha, abuks ota sanad saupkiš. Löuda da nimita dialogas imperativformad. – Nastoi, kut paksus sinä kävutad internetad? – Johor, mikš küzud sen polhe? – Küzun sen täht, miše tulijal nedalil školas zavodim pagišta internetan roliš openduses. Minei pidab rižada, kut da mikš nügüdläižed openikad kävutas internetad. – Voin sanuda, miše en ole mugoite mez’, kudamban polhe sanudas ”rippub internetas”. Kävutan internetad kaks’ vai koume kerdad päiväs. Kacun počtad da ecin tedoid opendusen täht, konz om joudai aig, kosketamoi sebranikoidenke VK ontakte- verkos.