60
4.
Pane sanad muštho.
laučvoibištelii — болельщик
olimpiadvändod — олимпийские игры
sportata — заниматься спортом
sportmez’ — спортсмен
sportrod — вид спорта
terveh — здоровый
voibištelend — гимнастика
5.
Luge da kända tekst.
Sportan znamoičend
Sport znamoičeb äjan mehiden elos. Sportata
mez’ ei linne terveh da kapos. Sport tegeb
mehen tervheks, vägevaks, čomaks. Elo tegese
paremb, veslemb, čomemb, ku zavodid sportata.
Nügüd’ mal om äi erazvuiččid sportroduid. Kaikuččel sportrodul
oma ičeze laučvoibištelijad. Kaikid surembad voibištelendad mal
oma olimpiadvändod. Ezmäižed olimpiadvändod oliba Grekanmas.
Oma kezaližed da tal’veližed olimpiadvändod. Jäl’gmäižed kezaližed
olimpiadvändod Venämas oliba vodel 1980. Jäl’gmäižed tal’veližed
olimpiadvändod oliba Venämas, Soči-lidnas vodel 2014. Ned oliba
melentartuižed da lujas tarkad.
Karjalan eläjiden armhad sportrodud oma suksed da štargud,
sikš ku Karjalas om äi mägid da lunt. Karjalas om äi tetabid
sportmehid, kudambad vägestaba olimpiadvändoiš.
6.
Anda vastused küzundoihe:
1) Midä znamoičeb sport mehiden elos?
2) Miččid sportroduid sinä tedad?
3) Kus oliba ezmäižed olimpiadvändod?
4) Kus oliba jäl’gmäižed olimpiadvändod?
5) Oled-ik sinä voibištelendholitai?
6) Mitte sinun armaz sportrod om?
7) Navedid-ik sinä sportata?