58
Tervhuz’.
1.
Pane muštho sanad.
verez il’m — свежий воздух
iloiteldas — веселиться
kibištada — болеть
kurk — горло
kurkkibu — ангина
hibjan žar — температура тела
huhtoida — полоскать
lainata — глотать
läžegata — заболеть
zel’l’ — лекарство
2.
Luge da kända tekst. Tege harjoitused.
Eglai mö sebranikoidenke kävelim mecha suksil. Päiv oli lujas
läm’. Paštoi keväz’line päiväine, sikš minä kebnas sobimoi. Mö
pigai tulim mecha, löuzim korktan mägen i zavodim hihtta. Oli
lujas mel’he hihtta mägelpäi i henktä verest il’mad. Mö pit’kha
šurgim sebranikoidenke.
Minä en homaičend-ki, kut pigai tuli eht. Irdal oli jo vilu, vaiše
minä iloitelimoi i en tahtoind mända kodihe. Lopuks sebranikad
tönduiba kodihe, i minä-ki läksin heidenke. Kodihe mö tulim
möhä. Minä mujin, miše jaugad kül’miba, a pän pörub kebnas.
Homendesel minä nouzin pänkibunke, minai oli hibjan žar.
Nägui, miše školha minä en voi mända. Kaiken päivän minai
kibišti pän da kurkun. Kodihe minunnoks mamoi kucui lekarid.
Hän pigai tuli i sanui, miše minai om kurkkibu. Nügüd’ minei
pidab joda zel’l’oid da nedalin olda kodiš.
a) Ližada sanad sanundoihe.
Kirjuta lehtikoho da jonošta lehtikos verbad.
1) Eglai minä sebranikoidenke ... mecha.
2) Mö pigai ... mecha.